<< 香港 >> 重溫童年回憶既食物 - 新樂餐廳

從來無留意老牌酒店

新樂酒店上面有間西餐廳
路過樓下

媽咪見到樓上有自助沙律吧就提議上去試下

 LIFT門一打開
我第一感覺 "係咪去錯地方?!"

 比中式酒樓更中式既裝潢
你肯定係食西餐的嗎？

媽咪話上面呢D木雕有返咁上下歷史

而家已好難有架喇 , 讚！

對我黎講依度充滿特色

 自助沙律吧都充滿中式既感覺

用冰鎮住
保證夠凍

 番茄仔

 青瓜腸仔沙律 

甜甜酸酸既泰式汁

 酸菜

黃介辣薯仔沙律

呢個我幾鐘意食

比平時食開既薯仔沙律多左黃介辣既香味

更醒胃

 好媽咪feel既蘋果沙律

入面有好多蘋果

有d桃

酸酸甜甜幾好味

好似小時候媽咪整既味道

西瓜哈密瓜超甜
仲有橙
但一出就無曬

泰式雞翼尖

自製冷麵

要幾多 , 想食咩
可以自己揀 自己夾

又係童年回憶之一

甘筍南瓜豬骨
都唔錯
最小唔覺有太多味精

西蘭花忌廉湯

忌廉味重

我地既自選沙律

 香蕉蛋糕

 朱古力蛋糕

 有冰凍涼粉

鐘意既可以加埋西瓜一齊食

自製西瓜涼粉又係細個同屋企人成日一齊整既小食

 紅豆椰汁糕

雪糕原本平平無奇

但你睇下隔離個杯仔

好懷舊既感覺 , 讚

啫喱同布甸

又係我夏天細個成日食既小食

wow
我兒時同而家既最愛

煎薄餅 

 即叫即整

新鮮熱辣

呢種已經無咩見過
全部都變曬整仔餅

格仔餅

外脆內軟

yummy
加個雪糕球一齊食都唔錯

好多醬任選
有果醬 , 花生沙糖 , 蜜糖 ,煉奶 , 花生醬 ....

我平時出面買格仔餅

都會要多醬

今次可以自己任落 haha
未食主菜已經飽左一半

超正

主菜

西冷牛排

有格仔紋

以百幾蚊一個餐+沙伴吧

交到功課

牛排不鞋不韌

不過牛味不濃

唯一覺得有小小怪既係薯蓉係甜味既

厚切

呢個腸就可以唔試喇

好冧

coffee or tea任飲
自己黎

物質生活豐富左 

好多人都食到無咩野想食

如果係咁
可以試下呢間餐廳

可能會同我一樣

有好多童年回憶既食物係度
價錢好抵
咁多野食兩個人埋單都係$284

新樂餐廳

彌敦道223號新樂酒店10樓

2735 2271