<< 香港 >> 初嚐譚仔米線

我諗好多朋友仔

都會間唔鐘食下18區

區區都有!

無處不在既譚仔米線既習慣

而 ! 我 ! 本 ! 人 !

係一次都未食過架!

因為我由細到大都好抗拒

米線咬極都好似唔爛既質感

對我黎講好似食緊發泡膠(係真的)

早排有位過左台灣生活既友人返黎香港

佢話返黎第一餐就想食譚仔

呢一下簡直挑起左我無窮既好奇心

真係咁好食？

到底係咩野魔力令到一個人會咁掛住一碗米線呢？

今日我就約左友人陪我試譚仔

試一試佢係咪真係咁好食

你睇下我碗米線幾清淡
哈哈

非正式估計十個鐘意食譚仔既人

有9.9個都係嚴重嗜辣者

個樣好清

但味道相反

係濃同好咸

全碗我最鐘意就係芽菜同魚腐 

話說我本來食野都係偏慢

友人問我點解食極都咁大碗

我好好奇 , 問返友人點解可以食得咁快

我 : " 你唔覺得d米線咬極都咬唔爛架咩？ "

友人答我 "邊有人要咬爛晒先吞架 , 咬兩下就吞架啦 "

以上事件對我黎講

真係個好好笑既笑話

因為我咬左成半個鐘

都仲有成半碗係度

真係投降

加最好唔好有下一次

真係搞佢唔店 , haha

叫左大名鼎鼎既土匪雞翼

出名到肥媽上電視都開名教人整依隻雞翼

我之前就未食過

不過就跟肥媽食譜整過

我覺得肥媽食譜好成功

無落味精同無用油炸

但都可以鬥贏食店

涼拌青瓜都幾好食

有讚 : 發現譚仔d姨姨服務態度超好 , 極有禮貌 , 有d意外 

   有彈 : 食完呢一餐 , 返到屋企好渴 , 不停飲水 , 好多味精